40 ani Cor Sasslong - 2012

N sada ai 20 de utober 2012 à l Cor Sasslong tenì n bel cunzert per festejé si 40 ani de atività. Dala 6 da sëira al ciantà la Santa mëssa y da mesa la nuef al tenì n bel cunzert, cun Willy Runggaldier ala bachëta. Per chësta ucajion al nvià 2 d’autra grupes: l  “Ensemble Concertante” de S. Cristina sota la bachëta de Claudio Kerschbaumer y l cor “Gaudium” cun Sebald Goller.

N possa dì che l cunzert ie drët garatà; l ie unì ciantà de bela cianties y l fova n grum de jënt. Daldò se à duc abinà tla sala Raiffeisen te chemun, ulache duta l’autoriteies à nce rengrazià l Cor Sasslong per si atività te chisc 40 ani. 86 N bel buffet y n bon got de vin  fova ënghe njeniei ca.