I tëmps dla cassëtes cun mujiga o cianties se mudova y l fova ëura de tò su cianties nueves. Chëst iede sun CD y cassëta. Do avëi tëut cuntat cun l studio Sissy Records de Stuflesser Luis de Urtijëi, che ova i aparac per tò su na tel CD, ie unida crissa ora la sala Luis Trenker de Urtijëi per si acustica scialdi bona. Chësta registrazion à durà 2 dis per de plu ëures, n’esperienza drët nteressanta ma sfadiëusa per i ciantarins.
15 cianties per ladin, talian y tudësch iel lessù, zënzauter ne daussova nia mancë “La Montanara”. Granda ie stata la sudesfazion dl dirighënt Günther Runggaldier y de duc i 37 ciantarins.
Ai 18 de dezëmber dl 1994 ie chësc CD nuef pona unì prejentà al publich tla sala de chemun a S. Cristina, dan na sala plëina de jënt.
Coro Sasslong