Dai 24 ai 26 de lugio
Bele d’autonn dl ann 1998 ova l cunsëi dl
Cor Sasslong deberieda cun l dirighënt Sebald Goller fat ora de tò pert
al Cuncors nternaziunel Johannes Brahms a Wernigerode ti Paejes Tudësc.
Chësc cuncors per cores metù a jì dala “Musica Mundi” ie un di majeri
d’Europa
y vën metù a jì uni ann te n auter stat.Tlo tol pert scialdi de bon
cores, perchël fovel dessegur nteressant a se museré cun ëi. 18 nazions
cun 900 ciantarins à tëut pert, spartii su te de plu categuries.
L
cor à fat pea te 2 categuries, cianties profanes y cianties religëuses.
Messon dì che Sebald ti à nsenià ite la cianties drët a puntin y l’
ambizions di ciantarins ie states scialdi grandes. Canche n à pona audì
ciantan i cores dl’Europa dl est fova duc n pue’
grams. Cianté dan na giuria nternaziunela ne fova l cor nia usà, ma duc à dat cie che i fova boni.
Canche
dala premiazion ai cherdà su sun paladina i prims de uni categuria y
nosc cor fova leprò, fova la marueia scialdi granda y i ciantarins
stracuntënc, dantaldut nosc dirighënt Sebald Goller. Cun chësc diplom
d’or se al po’ cualificà per tò pert ala Olimpiada di cores dl ann do, o
di ani do, chël che l à pona ënghe fat.
Coro Sasslong