N bel lecort à mo duc dl viac tl Lettland de lugio dl ann 2000 y plu avisa a Riga y Ventspils, ulache l cor ie unì nvià dal cor dl’ëiles Venda y ulache l à tenì n valgun cunzerc, che ti ova drët plajù ala jënt da iló. La gran zità de Riga che ie ënghe la majera zità dl Lettland fova drët nteressanta, propi pervia dl’architetura y per la gran cumpëida de ciampanii.
L ann do de lugio iel ëiles unides a nes crì tlo te Gherdëina y cun plajëi ales pudù amiré nosta bela montes. Cun ciauzei nia iust da mont ieles unides menedes sun Col Raiser y su nchin sala hutia de Pieralongia.
N di drët garatà.
Coro Sasslong